»Wenn Liebe schwant III« ist eine Online-Anthologie komischer Liebesgedichte in 20 Folgen, zusammengestellt von Jan-Eike Hornauer
Alfons Schweiggert
A Zigarettn
I waar so gern a Zigarettn,
i fallat Dir glei in die Augn.
Du daadst mi in Dei Goschal steckn
und oiwei wieda an mia saugn.
Auf Deina Zunga daadst mi schmecka.
I waar für Dich a Hochgenuss.
I gabat Dir net bloß an Zunga-,
i gabat Dir an Lungakuss.
I daat Dir Deine feina Nervn
beruhign und Du waarst entspannt,
und meine weißblaun Rauchawöikal
umkringelten Dir zart Dei Hand.
I werat für Di kurz und kürza
und Stück um Stück zu graua Aschn.
Du daadst mi glei mit Haut und Haar
von obn bis untn staat vanaschn.
Vaglüahn daat i so Zug um Zug
vor Liebe, und i daat des gern.
Zum Schluss do mächat i ois Stummi
vo Deine Finga ausdruckt wern.
Mei Geist, der waar in Deina Lunga
no lang ois Zigarettnrauch.
Vielleicht waar i ois Tabakkrümmi,
den Du vaschluckt host, aa im Bauch.
Doch oans, des daat i Dir net o,
was jede Zigarettn tuat.
I daat Di niamois nia vagiftn.
I möchat Dir nur oans doa – guat!
© Alfons Schweiggert, München
»Wenn Liebe schwant III« im Archiv
»Wenn Liebe schwant III« ist eine Online-Anthologie in 20 Folgen. Jeden Mittwoch wird hier ein komisches Liebesgedicht von je einem anderen zeitgenössischen Poeten erstveröffentlicht. Alle Folgen der ersten beiden »Wenn Liebe schwant«-Staffeln sowie der aktuellen dritten Staffel und exklusive Bonus-Gedichte liegen zudem ab sofort in Buchform vor.
»Wenn Liebe schwant. Gedichte« ist im muc Verlag als Taschenbuch erschienen (142 Seiten, 9,90 Euro, ISBN: 978-3-9815181-6-0). Erhältlich ist die Printanthologie über den muc Verlag oder den Buchhandel. Sie umfasst 69 Gedichte von 38 zeitgenössischen Poetinnen und Poeten, u. a. von Alex Dreppec, Michael Schönen, Fitzgerald Kusz, Manfred Chobot, Anton G. Leitner, Hellmuth Opitz und Alfons Schweiggert.
