unsä haus

von Fitzgerald Kusz

(»wer jetzt kein haus hat, baut sich keines mehr.« rilke)

miä hamm ganz schäi gschwidzd
bis unsä haus gschdandn is
ohne uns schdennerd
kaa schdaa affm andern
ä zeidlang is uns dreckäd gangä
edz gäihds uns goud
miä hamm unsä einkommen
dä hausbesidzer sei auskommen
dou soll blouß annä kummä
miä könnä ned kloong
ä mieder underm dach behaubd
es reengd rei wenns reengd
bei manchn drobfd dä wassähohn
im drebbnhaus is neili
annä ausgrudschd
miä wolln in friedn lehm
blouß di kindä gehm ka rouh
dä hausbesidzer is sauä
in zukumfd schaudä draff:
»weä zu uns ned reibassd
deä kummd ned rei«
es dach werd rebariäd
des houdä väschbrochn
a boä neuerungä
kummä aff uns zou
ändern doud si nix
 

© Fitzgerald Kusz, Nürnberg

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.